மீண்டும் ஷாக்.. அதிரடியாக உயர்ந்த தங்கம் விலை.. இன்றைய நிலவரம்..!

கடந்த ஆண்டு டிசம்பர் மாதம் முதல் தொடர் பண்டிகை காரணமாக தங்கம் விலை படிப்படியாக உயர்ந்து வந்தது. இதையடுத்து கடந்த மாதம் 2 ஆண்டுகளுக்கு பிறகு முதன்முறையாக தங்கம் விலை சவரனுக்கு 43 ஆயிரத்தை தாண்டியது.

எனினும் ஜனவரி 27, 28 ஆகிய நாட்களில் தங்கம் விலை குறைந்தது. 29, 30 ஆகிய தேதிகளில் தங்கம் விலையில் மாற்றம் எதுவும் இன்றி விற்பனையானது. பிப்ரவரி தொடக்கத்தில் பட்ஜெட்டில்  வரி உயர்த்தப்பட்ட நிலையில் தங்கம், வெள்ளியின் விலை அதிரடியாக உயர்ந்தது.

இந்த நிலையில் சென்னையில்  24 காரட் ஆபரண தங்கத்தின் விலை இன்று 30 ரூபாய் உயர்ந்து  5,727 ரூபாய்க்கு விற்பனையாகிறது. சவரன் ஒன்றுக்கு 240 ரூபாய் உயர்ந்து 45,816 ரூபாய்க்கு விற்பனை செய்யப்பட்டுள்ளது.

22 காரட் ஆபரண தங்கத்தின் விலை ஒரு கிராமுக்கு 30 ரூபாய் உயர்ந்து 5,365 ரூபாய்க்கு விற்பனையானது. ஆபரண தங்கத்தின் விலை சவரனுக்கு 240 ரூபாய் அதிகரித்து 42,920 ரூபாய்க்கு விற்பனையாகிறது.

எனினும் வெள்ளி விலை கிராமுக்கு 20 பைசா குறைந்து 74 ரூபாய்க்கு விற்பனையாகிறது. ஒரு கிலோ வெள்ளி விலை 200 ரூபாய் குறைந்து 74,000 ரூபாய்க்கு விற்பனை செய்யப்படுகிறது.மீண்டும் ஷாக்.. அதிரடியாக உயர்ந்த தங்கம் விலை.. இன்றைய நிலவரம்..!