நடிகை சம்யுக்தாவை காதலிப்பதாக இயக்குநர் பாரதிராஜா தெரிவித்துள்ளார்.
நடிகர் தனுஷின் வாத்தி படத்தில் அவருக்கு ஜோடியாக நடிகை சம்யுக்தா நடித்துள்ளார்.
இந்தப் படத்தின் இசை வெளியீட்டு விழா சமீபத்தில் சென்னையில் நடந்தது.
வெங்கி அட்லூரி இயக்கியுள்ள இந்தப் படத்திற்கு ஜி.வி.பிரகாஷ் இசையமைத்துள்ளார்.
வாத்தி இசை வெளியீட்டு விழாவில், மூத்த இயக்குநர் பாரதிராஜா கலந்துக் கொண்டார்.
அப்போது பேசிய அவர், “வயதில் சிறியவர்களாக இருக்கிறார்கள். இல்லையென்றால் தனுஷ், ஜி.வி.பிரகாஷ் கால்களில் விழுவேன்.
சம்யுக்தாவை பார்க்கும் போதெல்லாம் காதலிக்கத் தோன்றுகிறது. கடலோர கவிதைகள் படத்தில் ஒரு டீச்சரை அறிமுகப்படுத்தினேன்.
இப்போது சம்யுக்தாவை பார்க்கும் போது, காலம் தப்பி பிறந்துவிட்டேனோ எனத் தோன்றுகிறது. இருந்தாலும் இப்போதும் சம்யுக்தாவை காதலிக்கிறேன்” என்று தெரிவித்தார்.
