நடிகை ஸ்ரீதேவியுடன் எடுத்துக் கொண்ட கடைசி படத்தை வெளியிட்டிருக்கிறார் அவரது கணவரும், தயாரிப்பாளருமான போனி கபூர்.
நடிகை ஸ்ரீதேவி பிப்ரவரி 24, 2018 அன்று தனது 54-வது வயதில் துபாயில் காலமானார்.
இன்று ஸ்ரீதேவியின் 5-வது நினைவு தினத்தை முன்னிட்டு, கணவர் போனி கபூர் தனது மனைவியுடன் எடுத்துக் கொண்ட முதல் மற்றும் கடைசி படங்களை இன்ஸ்டகிராமில் பகிர்ந்துள்ளார்.
இந்த முதல் படம் 1984-ல் எடுத்ததாகக் குறிப்பிட்டுள்ளார் போனி கபூர்.
ஸ்ரீதேவியுடன் துபாயில் எடுத்துக் கொண்ட கடைசி படத்தையும் பகிர்ந்துள்ளார். அதில் அவர் கணவர் போனி கபூர், மகள் குஷி மற்றும் உறவினர்களுடன் புன்னகைத்துக் கொண்டிருக்கிறார்.
”5 வருடங்களுக்கு முன் எங்களை விட்டுப் பிரிந்து சென்றாய்… உனது அன்பும் நினைவுகளும் என்றும் எங்களுடன் இருக்கும்” எனவும் குறிப்பிட்டிருந்தார் போனி கபூர்.
குழந்தை நட்சத்திரமாக தனது நடிப்பை தொடங்கிய ஸ்ரீதேவி, இந்திய சினிமாவில் சிறந்து விளங்கியது குறிப்பிடத்தக்கது.
