விக்ரம் படத்தின் இரண்டாம் பாகத்தில் சீயான் விக்ரம் நடிக்கப்போவதாக தகவல்
மாநகரம் என்ற படத்தின் மூலம் இயக்குனராக அறிமுகமான லோகேஷ் கனகராஜ் தற்போது தமிழ் சினிமாவின் முன்னணி இயக்குனர்களில் ஒருவராக இருக்கின்றார். கைதி, மாஸ்டர், விக்ரம் என தொடர் வெற்றிகளை கொடுத்துவந்த லோகேஷ் அடுத்ததாக விஜய்யை வைத்து தளபதி 67 படத்தை இயக்கி வருகின்றார்.
லோகேஷ் இயக்கத்தில் உலகநாயகன் கமல்ஹாசனின் நடிப்பில் கடந்தாண்டு வெளியான விக்ரம் திரைப்படம் மிகப்பெரிய வெற்றியை பெற்றது. இந்த வெற்றி லோகேஷை இந்தியளவில் பிரபலமாக்கியது. இதையடுத்து பல முன்னணி நடிகர்கள் லோகேஷ் கனகராஜின் இயக்கத்தில் நடிக்க ஆர்வம் தெரிவித்து வருகின்றனர்.
இந்நிலையில் விக்ரம் படத்தில் ரோலக்ஸ் என்ற ரோலில் சூர்யா நடித்து அசத்தியிருப்பார். ஆனால் இந்த ரோலில் முதலில் விக்ரம் தான் நடிப்பதாக இருந்ததாம். சில காரணங்களால் விக்ரமால் ரோலக்ஸ் ரோலில் நடிக்கமுடியாமல் போனது.
இதைத்தொடர்ந்து தளபதி 67 படத்திலும் விக்ரமை நடிக்க வைக்க முயற்சி செய்தார் லோகேஷ். ஆனால் அதுவும் நடக்கவில்லை. இந்நிலையில் அடுத்ததாக லோகேஷ் இயக்கவுள்ள விக்ரம் படத்தின் இரண்டாம் பாகத்தில் சீயான் விக்ரம் வில்லனாக நடிக்கவுள்ளதாக தகவல் வந்துள்ளது.
இது ஒட்டுமொத்த சினிமா ரசிகர்களையும் எதிர்பார்ப்பில் ஆழ்த்தியுள்ளது. தமிழ் சினிமாவில் நடிப்பிற்கு பெயர்பெற்ற கமல் மற்றும் விக்ரம் இணைந்து நடிப்பது ரசிகர்களின் எதிர்பார்ப்பை இரட்டிப்பாகியுள்ளது குறிப்பிடத்தக்கது.
